الماتى وبلىسىنىڭ اقسۋ اۋدانىندا  ءىرى جوبا جۇزەگە اسىرىلۋدا. «Panel SSistem.kz» كومپانياسى التىنارىق اۋىلىندا 5 مىڭ ءىرى قارا مالعا ارنالعان بورداقىلاۋ الاڭى مەن ەت وڭدەۋ كەشەنىنىڭ قۇرىلىسىن باستادى.

«كاسىپورىن شۇجىق، سۇيەك ۇنى، بۇقتىرىلعان ەت، ىستالعان ەت ونىمدەرىن ءوندىرۋدى جوسپارلاپ وتىر. ناتيجەسىندە، 2022 جىلدان باستاپ ەكسپورت كولەمىن 2،5 ەسەگە ارتتىرۋعا تولىق مۇمكىندىك بار. سونىمەن قاتار، بۇل كومپانيا سۋىقساي اۋىلىندا الماباق ءوسىرۋ، كوكونىس قويماسىن سالۋدى جوسپارلاپ وتىر. وسى ماقساتتا اتالعان اۋىلداردا جالپى 218 گەكتار جەر بەرىلدى. جالپى جوبا قۇنى - 1 ملرد 800 ملن تەڭگە»، - دەيدى اقسۋ اۋدانىنىڭ اكىمى ەسىم بازارحانوۆ.

اۋدان اكىمىنىڭ ايتۋىنشا، كوشكەنتال، كولتابان، ساعاكۇرەس اۋىلدارىندا جاڭا مەكتەپ سالۋ جوسپارلانىپ وتىر. ءقازىر ءۇش ءبىلىم بەرۋ مەكەمەسىنىڭ جوبالىق-سمەتالىق قۇجاتىنا 30 ملن تەڭگە قاراجات بولىنگەن. سونداي-اق، قاپال، اقسۋ، اقىن سارا اۋىلدارىنداعى مادەنيەت ۇيلەرىنە اعىمداعى  جوندەۋ  جۇرگىزىلەدى. بۇل ماقساتقا وبلىستىق بيۋدجەتتەن 73 ملن تەڭگە بولىنگەن.